Орусиянын «Аэрофлот» авиакомпаниясы эл аралык каттамдарга билет сатууну 1-августка чейин токтотту.
Бул тууралуу «Азаттыктын» орус кызматы кабарлады. Мурдараак «Аэрофлот» коронавирустан улам ички каттамдарды да азайткан.
Орусиянын бийлиги COVID-19 вирусунун тарап кетишинин алдын алуу максатында 27-марттан тартып эл аралык аба каттамдарынын баарын токтоткон. Учурда чет элдеги орусиялыктарды алып келиш үчүн гана учактар каттап жатат. Бул абал качанкыга чейин уланары белгисиз.
Орусияда 17-апрелдеги маалыматка ылайык, илдетке кабылгандардын жалпы саны 32 миң кишиден ашты.
